1. DEIALDIAREN HELBURUA

Arabaclick Revelare kolektiboak sustatutako argazki-jaialdia da, eta argazkigintza adierazpen
artistiko eta dokumentalerako tresna gisa zabaltzea eta sustatzea du helburu. Zazpigarren
edizio honetan, argazkilariei erakusketa kolektibo batean parte hartzeko deia egiten zaie
“Arabako Memoriak”; gaiaren inguruan.

2. PARTE HARTZEKO BALDINTZAK

• Edozein pertsonak parte hartu ahal izango du, adin, nazionalitate edo bizileku mugarik gabe.

• Parte-hartzaile bakoitzak gehienez 30 argazki aurkeztu ahal izango ditu. Argazki bakarrak, erreportajeak, argazki sorta edo proiektu artistikoak izan daitezke.

• Argazkiak erabat Arabako Lurralde Historikoan eginak izan beharko dira.

• 30 urtetik beherako pertsonek Gazte kategorian parte hartu ahal izango dute, eta NANaren
  kopia erantsi beharko dute adina egiaztatzeko.

3. LANEN EZAUGARRIAK

• Argazkiek originalak eta sormenezkoak izan behar dute, eta egilearen sormen intelektualaren emaitza izan behar dute.

• Onartzen dira teknika berritzaileak, aurkezpen ez-ohikoak eta ikuspegi narratibo berriak,
  betiere eduki nagusia argazki finkoa bada.

• Ez dira onartuko adimen artifizialarekin IA) sortutako irudiak, ez baitira argazkiak.

• Argazkiak JPG formatuan bidali behar dira, tamaina handienean eta 300 ppp-ko
  bereizmenean, inprimatzeko moduan.

• Lanak zuri-beltzean zein koloretan aurkez daitezke, eta kamera mota guztiekin (mugikorrak
  barne) eginak izan daitezke.

4. BIDALKETA ETA EPEAK

• Lanak posta elektronikoz (Google Drive, Wetransfer…) bidali behar dira honako helbidera: arabaclick@gmail.com
  

• Mezuan honako datu hauek agertu behar dira:

  • Egilearen izen-abizenak

  • Biografia laburra (gehienez 50 hitz)

  • Serie edo proiektuaren izenburua (baldin badu)

  • Irudiak ateratako tokien gutxi gorabeherako kokapena

  • Harremanetarako telefono zenbakia

  • NANaren kopia, parte-hartzailea kategoria gaztean aurkezten bada

• Lanak jasotzeko epea 2025eko ekainaren 25ean irekiko da eta abuztuaren 31ko 23:59etan
  itxiko da.

5. HAUTAKETA ETA ERAKUSKETA

• Revelare Kolektiboak izendatutako epaimahaiak honako irizpide hauek baloratuko ditu:

  • Lanen kalitate artistiko eta teknikoa

  • Ikus-interesa edo kontakizun gaitasuna
    

  • Gaiaren egokitasuna

• Hautatutako argazkiak antolakuntzak ekoitziko ditu, eta Arabaclick 2025 talde-erakusketaren
  parte izango dira.

• Hautatutako lanak Revelare Kolektiboaren esku geratuko dira, Vitoria-Gasteizko zein
  Arabako beste udalerrietako espazio kulturaletan erakusketa ibiltaria egiteko, beti egilearen izena aipatuz.

6. LANEN ERABILERA ETA ZABALKUNDEA

• Revelare Kolektiboak lanak erabil ditzake, formatu digitalean, honako helburu hauekin:

  • Erakusketaren katalogo inprimatua egitea

  • Jaialdiaren eta lotutako jardueren zabalkundea sare sozialetan, komunikabideetan,
    webguneetan eta bestelako euskarrietan

• Argazki guztien egileak apatu egingo dira beti.

• Irudiak ez dira hirugarrenei lagako eta ez dira erabiliko helburu komertzialekin, egilearen
  baimenik gabe.

7. ESKUBIDEAK ETA ERANTZUKIZUNAK

• Parte hartzeak oinarri hauen onarpen osoa dakar.

• Parte-hartzaileak bermatzen du argazkien egile bakarra dela eta egile-eskubide osoen jabea dela.

• Irudietan identifika daitezkeen pertsonak agertzen badira, parte-hartzaileak horien baimen espresua izan beharko du edo irudiak legezko moduan espazio publikoetan aterata egon
  beharko dira.

• Antolakuntza ez da erantzule izango irudi-eskubide edo egile- eskubideei lotutako
  erreklamazioen aurrean.

• Oinarri hauek betetzen ez dituen edozein lan lehiaketatik kanpo geratuko da.

8. OINARRIEN ONARPENA ETA ALDAKETAK

• Jaialdian parte hartzeak oinarri hauen onarpen osoa dakar.

• Revelare Kolektiboak eskubidea izango du aurreikusi gabeko puntu guztiak interpretatzeko
  edo erabakitzeko, baita lehiaketa bertan behera uzteko ere, ezinbesteko arrazoiengatik,parte-
  hartzaileen erreklamazio eskubiderik gabe.